Petra nevez ?


Koad ar C’hastell zo komañset da cheñch penn-da-benn

Un tachad gober astennet ; ur c’hinnig anneziñ lakaet doc’h razh an dud, kozh ha yaouank ; kalite ar savadurioù hag an tachadoù foran ; muioc’h a aveadurioù hag a servijoù ; tachennoù douar arboellet ar muiañ ar gwellañ ; kemmesk sokial…

Ur pikol treuzfurmadur zo boulc’het e Koad ar C’hastell, evit beviñ gwell asambl hag evit bout stad ennomp é vout é chom en ur c’harter bourrus hag a zo an natur e pep korn anezhañ !

A-du emañ savet an ajañs vroadel evit nevesaat ar c’hêrioù get ar raktres. Get Kerwenaneg Kreiznoz emañ Koad ar C’hastell er renk kentañ e-barzh ar Programm broadel nevez evit adneveziñ ar c’hêrioù (PBNAK).

Deomp da redek !

Ar Redadeg a dremeno dre an Oriant d’ar Lun 23 a viz Mae, àr-dro 4e15 vintin.

Ar redadeg brudet evit ar brezhoneg zo àr un dro un degouezh kengred, sportel, sevenadurel, bevet a-gevret ha get plijadur. Arouez ar brezhoneg eo ar vazh-test a zo ur skrid dalc’het kuzh enni : treuzkaset e vez a zorn da zorn ha lennet e vez e fin ar redadeg. Honnezh zo un arouez ag ar feson ma vez treuzkaset ur yezh vev, a rummad da rummad, en ur zastum argant evit raktresoù hag a harpo he implij er gevredigezh a-vremañ.

https://www.ar-redadeg.bzh/?lang=br

Fotoioù prim ha barzhel

Ur benveg marzhus eo, evit an dud vras kerkoulz evel evit ar vugale » eme Nastasja Duthois. Goude m'he deus dizoloet ar sianotip e ergerzh kement a c’heller gober getañ en he oberennoù awenet get an natur. « Simpl eo ar feson d’ober sianotip : n'eus nemet meskiñ div zileizhenn diàr houarn, lediñ ar meskaj-se àr ar skor get ar gwisponig, ha lakaat un dra àrnezhañ, evel un delienn, ur boked. Hemañ a dalv da guzh : e verk a zeu àr wel e gwenn pa vez lakaet ar skor er gouloù. Get an heol e stag ar produ kimiek, en ur ziskuliiñ ur c'haer a liv glas sian ». Doc’h ar c'hoari get ar merk ha get an dreuzwelusted ec’h eus tennet doc'htu ur skouerenn dibar. « Bremañ ma ran get ar sianotip ne choazan ket ken an traoù a zastuman evel e-raok mes doc'h pegen treuzwelus int, doc'h o stumm, ha doc'h an efed a vo produet gete.

Àr-du kreiz-kêr

E-leizh a berzhioù mat en deus kreiz-kêr an Oriant ; neoazh niverus eo an dalc'hoù a zo stag doc'h e amzer da zonet. Fiñvusted, lec'hioù foran, reneveziñ... Penaos roiñ muioc'h a c'hoant da vonet da eno ? Penaos aoziñ gwell ar c'hinnig parkiñ, aesaat ar buheziñ hag an darempredoù plijus etre an dud ? Penaos gwellaat c'hoazh buhez an 10.000 a annezidi àr ar pemdez ? Ur c'huzuliata, anvet "Ma c'hreiz-kêr arc'hoazh", zo bet graet a-zivout ar goulennoù-se. Àr un dro ec'h eus bet roet lañs d'ur programm evit ar genberc'henned, evit harpiñ reneveziñ ar savadurioù. Donemat e kreiz-kêr, kalon virvidik an Oriant !

Retour en haut